Ech mösch noch änz
dor all os Jäzkes loope,
mösch bee Faig
on Kamhusen Anna noch änz
Brocke koope,
met de näkke Föös
Fußball speele on över de
Stoppelfelder loope.
Ech mösch alles noch änz dohn, wat net
döch,
sprenge över Stöhl
on Dösch,
on uuttrecke de Merkuf, en Eketzke on Mösch.
Noch änz Strickske
schmiete
on en de dicke Botterram biete,
an de Reklameschelder met fuhle Eier schmiete,
de Jeseldop
haue
on Äppel
on Kiersche klaue.
Ech mösch noch änz
Pompewaater bee Steeger drenke,
on bee Hahnen on Thelen opp de Dölper stenke.
Mösch noch änz bee
de Nobbere Tüüt schaare,
mesch sträfele on wärr
verdraare
met alle Venner Blaare.
Mösch noch änz ene
Jakob habbe als Döhl,
mösch sprenge över Hecke, Jaardepörtsches on Pöhl,
mösch speele Räuber on Schandit
on och noch änz met Kabit.
Ech mösch noch änz
min kapodde Schohn brenge na de Bronn,
on treke de schwoare
Driettonn.
Min Schnotersnas huchtreke,
on de Häng en de kapodde Täsche stecke.
De Jeetebock van Schmitz Häska loésmaake,
on henger de Hönder
loope, dat se kakele.
Opp de Sandberg speele on de Heckestüter söke
en de Heck van Thelen.
Ech mösch noch änz
met de Pileboag on
Schleuder scheete,
mech met de Venner
Kenger klüten
on Pöhmel klätsche
met dicke Müten.
Ech mösch noch änz
Kore sömere on Petatte
hacke.
Maikäfer söke en Kaftans Heck,
On met Vasteloavend
als Hä-Lis römmloope wie ene Jeck.
Mösch noch änz opp
de Rotzkuhl Eishocky speele on Schlittschohn loope;
För fief Penning ene Nojablock
koope.
Mösch noch änz Zockerröwe
van de Felder äete,
on Broénpetatte
on jröne Hirring
uut de Pann jebroéne
van min Mam.
Ech mösch noch änz
ene Quickfrosch fenge
on met de janze
Familesch Kengerlieder
senge;
noa en Gewitter on jruete Räenger
en Papierschiffke dur de Jöet fahre loate
on met ene
Pengstestop bloose.
on dat
Hexe – on Korewiefke.
On antreke
en wärm Liefke
on rooke
met Buckhäls Piefke.
Ech mösch,
ech mösch, ech mösch,
doch dat kömt
net mier.
Et ess de hoape,
wör send os nächstes Joar alle wärr wiér.